Author Blog Madeus PoliticalBuzz Politics REVIEWS What's Buzz'n

Premye Dam Martine Moise “Ap Ri Yo”

Martine Moise – Premye Dam

Premye Dam Martine Moise dwe ap souri la. Apre Raquel Pelisye, Miss Universe Haiti, se madanm prezidan an kap fe buzz la. Premye Dam nan rete konsa, li tounen yon distraksyon. Nan ke’l la a, lap souri. « M pran yo », lap repete. Lap di Bondye mesi, rev li yo reyalize. Li fe listwa. Sa yo rele Itwa Ayiti a, anpil nan nou, Ayisyen, pa pran pou anyen paske nou pa konn sa’l ye. Nou telman tande bagay negatif de nou, bagay pozitif vin pi atiran. Non Martine déjà ekri nan liv Istwa Ayiti ak lank ki paka efase nan Istwa imanite a.

Gen plizye jan yon fanm Ayisyen ka gade Martine. Pandan gen sa yo ki chwazi selman gade rad ki sou li, jan’l abiye, jan’l mache; an menm tan, gen lot kap tann pou’l pale. Sak pi enpotan pou ou ? Jan yon moun abiye oubyen sak nan sevo’l la ki pi enpotan. Vale bagay enpotan nou te ka ap diskite. Nou pito chita sou Facebook e tout lot rezo sosyo pou pale dam nan mal. Yon dam ki fe lone non’l. Yon dam ki kanpe sou kote mari’l, pa dewe mari’l. Ki moun kap aprann jenerasyon vag sa men’m ? Ki sa kap mennen jodi a ?

Ki moun kap mande ki role yon Premye Dam? Li pa yon pos non, men Sophia te jwenn plas li. Kom Premye Dam, li te tou profite bay moun plas. E sak pat moun pa’l, se pou’l te mete yo nan plas yo. Martine pap ka mache, pale, abiye, tankou’l se Sophia. Yon fanm po nwa, tout moun kap pale’l mal ; tout moun déjà gade’l mal ENIWE. Men se pa paske li pa edike oubyen konpetan non, nou chwazi nan men ki moun pou’n pran lod oubyen koube, menm respekte. Poukisa pa gen moun kap mande tet yo kijan yo ka ede Martine ede ti moun li pral sevi yo? Gen anpil granmoun Ayiti ki neglije. Gen enpil ti jenn ti moun ki andikape. Sak endikape mentalman ke dokte pa menm ko we. Nou poko ka rive nan zafe Sante Mantal la. Ki sa nou poko menm ka touche’l.

Martine gon gwo responsabilite kounye a. Li gen responsabilite pou’l ede mari’l Presidan Jovenel Moise. Se pa selman fe si Jojo Manje, e ede’l pran swen bannann nan. Mwen we nou gentan bliye slogan NEG BANNANN NAN. Eleksyon fini kanpay la fini. Anpil nan nou la pa menm sonje anyen  Jovenel te di li tap fe, tout bel promes li te bay. Li te bay anpil moun lespwa. Moun sa yo ede’l fe Istwa, tout ISTORYEN ta dwe ap pran not la.

Koule rad la se sak pi enpotan. Martine abiye koule drapo a – BLE ROUJ LA. Nou ta renmen konnen pouki se rouj la li bay priyorite. Nap jwe ak dife la ? Si’n leve tet nou gade anle a nou we SYEL LA BLE, nou déjà gen lespwa. Petet Martine ap eseye di nou yon bagay : « Yon ti lespwa toujou ».

Rodly « Oz’mosis » Madeus

 

Premye Dam Martine Moise ak mari'l, Prezidan Jovenel Moise.

Premye Dam Martine Moise ak mari’l, Prezidan Jovenel Moise. HMI BUZZ.

 

Facebooktwittergoogle_plus

About the author

HMI Buzz